الخميس، 30 أكتوبر، 2008

ليسوا بظلمة !!!!!


ولأول مرة أجد نفسي مدفوعة دفعا الى الحديث عن كليتي ... كليتي الهادئة الوادعة ... المسالمة ....

لا أحبذ كثيرا الحديث عما يجري في الكلية لاعتبارات شخصية ؛ لكن الأمر هذه المرة لم يعد محتملا ؛ فقد فاق تصوراتي بشدة ؛ فكليتي الجميلة .. لم تعد جميلة !!!وربما القادم أسوأ !

كل هذا بسبب البيه ! أيوه تماما البيه قائد الحرس الجديد ! الباشا معرفش جاي منين حتة شايف نفسه علينا !- مش علينا باعتباري معيدة ؛ لاعلينا باعتبار اني قريبة العهد بالطالبات -

عادة عندما أذهب للكلية أصلي الظهر في المسجد - المعيدات عندهم غرفة خاصة بهن ؛ لكني أفضل الصلاة في المسجد - أحب أن أسجد على نفس المكان الذي كنت أسجد فيه وأنا طالبة ؛ وأحمد نعمة ربي علي ؛ وفي نفس الوقت أرى الوجوه النيرة التي تزداد بالمسجد نورا ؛ واعتاد غالبية البنات مني صلاتي في المسجد تلك ؛ فأي واحدة عايزة مني حاجة تجيلي المسجد بعد الظهر ؛ المهم بقى من 3 أيام كنت بشرح لبنت في المسجد موضوع فقهي عندها والساعة كانت 1 وثلث تقريبا ؛ فجأة لقينا عاملة داخلة تقولنا : المسجد للصلاة بس ؛ يلا قوموا !!!!!!!!!!!!

البنت اللي كنت بشرحلها دي بنت طيبة مالهاش في حاجة فماحبيتش أدخلها معايا في مشاكل ؛ خدتها أكملها شرح برا المسجد ؛ على اعتبار ان ده حدث منفرد وهيعدي ؛ لكن تاني يوم بقى حصل ده !!!

بالأمس : بعد صلاة الظهر بعشر دقائق تقريبا فوجئت بمديرة الكلية تدخل لتسأل - وبالاسم - عن البنت التي كانت تلقي درس المسجد ؛ طبعا البنات كتير ؛ وخاصة لسه في بداية الصلاة والمسجد مزحوم فمش عرفت تطلعها ؛ فماشاء الله تصرفت تصرف غاية في الحكمة والذكاء : قفلت المسجد على البنات - وأنا معاهم طبعا - ونادت بأعلى صوت عندها على بنات الاتحاد - اللي والله أعلم أول مرة يدخلوا مسجد الكلية ده في حياتهم - قالتلهم : أمااااااااال انتو هنا بتعملوا ايــــــــــــــــــــــــــــــــــــــــــــــــــــــــــــــــه ؟ أمال احنا باعتينكم هنا لييييه ؟

طبعا المسجد فيه بنات بتصلي ؛ وبنات تانية قاعدين كتير ؛ وساد فيه الهرج ؛ قامت واحدة من بنات الاتحاد في الآخر طلعت الأخت اللي كانت بتلقي الدرس .وةقالت هيا دي ؛ المديرة عايزة تاخدها معاها ؛ فالأخوات بقى قالولها : لو هتاخديها خدينا معاها ؛ الأخوات كلهم بقى قالوا كده ؛ وفي ساعتها لقينا : العميد والوكيل والبيه - قائد الحرس داخلين المسجد !!!!!!!!!!!!!!!!!

مع ملاحظة ان دي كلية بنات ؛ وده مسجد بنات ... يعني دول مالهمش أي شبهة حق يهجموا علينا في المسجد كده .... الله يتولانا برحمته .

الوكيل خلى البنات يقعدوا كلهم الصراحة كنت عايزة أعتبر نفسي في المجموع وأخليني مع البنات عادي - لكن اللي فرسني ان بنات الاتحاد واقفين مع المديرة كأنهم متحكمين في البنات والهانم واحدة منهم بتقول لبنت : وريني كارنيهك ؟

جايبة شرعية الحق ده منين مش عارفة ؟ آل وريني كارنيهك آل !!!!!

فقمت واقفة ورايحة للوكيل وقفت جنبه ؛ الصراحة أول ماشافني اتخض : انتي بتعملي ايه هنا ؟ على اعتبار ان المسجد ده منكر يعني ماينفعش الناس الطيبة من أمثالي يبقوا موجودين فيه . قلت له : بصلي زي كل يوم .قام وقفني جنبه وبدأ العميد يسمعنا شدوه !!! حسبي الله ونعم الوكيل

- أنا صاحب الأمر والنهي في الكلية دي وهقفل المسجد ده خااالص ؛ ومش هينفتح الا باذن كتابي مني !

- لازم تصلوا في الكلية يعني ؟ اجمعوا الظهر والعصر للضرورة - ماشاء الله على الفتوى - .

وقام البيه بقى فجأة على صوته : كان بيرج في المسجد والله : فلانة الفلاني .... ونادى على اسم الأخت تيجي لي دلوقتي من غير كلااااام .

طبعا كلام البيه قطع كل كلام تاني ؛ فتحوا الباب طلعوا البنات من المسجد ؛ والأخوات سألوني : نروح معاها ولا نمشي ؛

الصراحة الوضع كان مكهرب قلت لهم : لو على أدها هيا فبسيطة ؛ محدش يقعد هنا كله يطلع بره ؛ وطلعت أنا كمان ؛ بره بقى أخوات كليتنا - قلبهم رهيف أوووي فقاعدين تجمعات منتظرين هيحصل في البنت ايه !فرسوني امبارح والله !

قلت لهم : محدش يفضل هنا ؛ امشوا ؛ وفين وفين على ماسمعوا الكلام ! الله المستعان !

كل ده حاجة بقى واللي جاي حاجة تانية ؛

العميد بقى طلبني وقالي : بتصلي في المسجد ليه ؟ نعااااااااااااااااااااااااااااااااااااااااام ! أمال المسجد معمول لايه ؟ بيقولي : ماتصليش في القسم بتاعك ليه ؟ ماتصليش في غرفة المعيدات ليه ؟ قلت له : عادي ؛ متعودة أصلي في المسجد علشان الجماعة ؛ اللي كان مقويني دكتورة لسه صغيورة كده واخدة الدكتوراة قريب غالبا بتيجي المسجد تصلي ؛ فلما عرفت المشكلة جات وتدخلت للبنت عند البيه !

تخيلوا البيه يقولها : يادكتورة أنا مش عايز أقولك : انتي متعاطفة معاااااااهم ! طيب ياخويا !

من النكت اللي بجد بقى في اللي حصل امبارح : ان العميد هو اللي مصمم يحول البنت لمجلس تأديب ؛ أو يجيبلها النيابة - على اعتبار القانون الجديد اللي أحمد قالي عليه بالليل - والخاص بأن أي مشكلة في الكلية ماتتحولش لمجلس تأديب ؛ لا ؛ ده يحولوها للنيابة بشهادة موظف واحد ان ده حصل في الكلية .............. مهي ناقصة !

سيادة العميد بقى مصمم يحولها وعمال يعيد ويزيد : أنا من حقي كعميد كليةأفصل أي بنت وأي عضو هيئة تدريس بيتكلم في غير تخصصه والجامعة تقر فصلي ده بموجب القانون 103 وطلعلنا قانون كده من الجامعة من الدرج بتاعه ..............يعني أنا تخصصي أصول فقه لو تكلمت مع البنات في الفقه يفصلني من الجامعة ! ... حسبنا الله ونعم الوكيل .

بقى العميد هو اللي هيحول البنت لمجلس تأديب وفصل نهائي والبيه هو اللي بيقول : خليها المرة دي علشان خاطري .... ياسلااااااااااااااااااااااااااااااااااااااااااااااااااااااااااااااام ......... دنيا !!!!

وسيادة العميد بقى بيقول للأخت ايه : أنا بوجه لك التهم دي

اثارة الشغب في الكلية ؛

تجمهر البنات ؛

تعطيل العملية التعليمية ؛

العميد هو اللي بيوجه التهم ....... يمكن أخد كورس قانون مكثف واحنا مش عارفين .......ايه يارب الحاجات دي !

العادة التمثيلية تبقى ان العميد هو اللي يدخل لصالح الطلبة بتوعه أمام جبروت الأمن ؛ لكن يوصل الحال لقلب الوضع بالدرجة دي .... احساس بالهوان صعب أوووي .

أجمل حاجة : ان البيه فاكر انه عارف كل حاجة في الكلية ؛ والمعلومات اللي جاية له من مصادره الملخبطة ان الأخت دي هيا مسئولة الكلية ؛ فهو معتقد بقى : انه دلوقتي لما يعفوا عنها يبقى الأخوات كلهم مدينين ليه ؛ ويحولهم لصفه ... بمنتهى البساطة أو ربما السذاجة !

في النهاية العميد كتبها تعهد ؛ ومضاها عليه ان أي حاجة تحصل في المسجد هيا مسئولة عنها كل التخفيف ده طبعا علشان خاطر عيون الباشا قائد الحرس ...... دنيا عجيبة

وكأن سيادة العميد مش عارف انه طول 4 سنين هو فيها عميد الكلية دي ؛ ودرس المسجد كل يوم بيتقال ؛ وما حصلش أي حاجة جديدة غير ان القائد تغير !!!!!!!!!!!ربنا يتولانا برحمته !

النكتة اللي بجد بقى : البيه قائد الحرس وهو طالع من المسجد بعد لما كان مقفول قال : البنات اللي برا دخلوهم يصلي ؛ احنا مش بنمنع حد من الصلاة .... احنا مش ظلمة !!!!

هناك 31 تعليقًا:

امام الجيل يقول...

لا حول ولا قوة الا بالله

سبحان الله عندما تتحول الكليات بل والمساجد الى اقسام شرطة

للاسف ده حصل كتير وبيحصل
مش عارف هما مش بيبقوا حاسين بخطورة اللى بيعملوه ده على انفسهم

يمنعوا الناس تصلى فى بيت ربنا او تتعلم العلم خاصة ان كمان الكلية تعلم علوم شرعية

ةبالطبع الامن هو اللى بيبقى متحكم فى الكليات وعلى الدكاترة والعمداء وده يا ما حصل ايامنا
لما كانوا يخلوا الدكتور يدخل مخصوص بدرى عشان يعطل حفل لينا فى المدرج
او يطلعه وقت ما يحب

حسبنا الله ونعم الوكيل

الحلم العربي يقول...

يااااااااااه
بجد اللى بقى بيحصل ده مهزلة
حتى التعليم بقى صعب ، حتى الصلاة في المسجد بقت صعبة
هو احنا خلاص وصلنا للزمن اللى القابض على دينه كالقابض على جمر و لا ايه؟؟
انا بجد مش عارفة اقول ايه ، و مش عارفة الناس دي بتفكر ازاي ؟
كل ما نقول هنتقدم خطوة قدام نلاقينا بنرجع لورا 100 خطوة
ربنا يرحمنا يا رب من اللى بيحصل في بلدنا اللى كانت كانت سابقة بلاد كتير دلوقتى احنا بقينا المثل في التخلف و القمع و القهر
لك الله يا مصر
لا حول ولا قوة إلا بالله

عصفور المدينة يقول...

على اعتبار أن
أظلم
تجمع على
أظلمين

وليس على ظلمة

مثل أخسرين

فهم أظلمون وليسوا ظلمة

Beram ElMasry يقول...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

ابو اعصار يقول...

้้้้
انا بوجه لك التهم دي

اثارة الشغب في الكلية ؛

تجمهر البنات ؛

تعطيل العملية التعليمية ؛

على فكرة العميد شكلة نسى اهم تهمه السعي لقلب الحكم ونشر افكار هدامة



ربنا يتولانا برحمته

DR.HAMAS يقول...

اصبروا أخواتنا

فوالله سيأتى اليوم الذى ستكونون فيه فوق رؤوس العالمين

و سوف يمكن الله لدينه فى الأرض

و لكن هذه المواقف فقط لزيادة حسناتكم و درجاتكم عند الله

فاصبروا و صابروا و رابطوا

و أيقنوا أن الحق سيسود أهله

و الله ناصر من نصره

ثبتكم الله

و بارك فيكم

و هداكم سواء السبيل

و فتح لكم أقفال القلوب





د.حماس

شهيدة يقول...

هو شكله قرأ البوست بتاع آلاء فقال أما أنفي التهمه دي عننا

مش ظلمة

اااخ يا قلبي


انا دمي اتحرق

يعني انا أقل ما يمكن عمله في العميد انه .. ولا بلاش

الهي ربنا ياخدهم واحد واحد

ربنا يكفيكم شرهم بما شاء وكيف شاء

belal يقول...

ايه دا !!

اه باعتنهم ليه فعلا

خليهكلهم يتبعتوا مع بعض يوم القيامة


..

(أم البنين) يقول...

لاحول ولا قوة الا بالله
لا أجد تعليقا يا أختي

يقين النصر يقول...

الغالية أمولة ..
عندما قابلت تلك الغالية اليوم ..
وجدت نورا جديدا لديها ..حتى بعد التعهد ..
ضحكتها وابتهاجها الدائم أدامه الله عليها ..
قلت فى نفسى ..والتانى قاعد بيحرق فى نفسه ويولع زياده ..
الغل فعلا من اسمه ..فى عنق صاحبه ..
المسجد اتفتح ومليان عصافير عالآخر ..
بس على مين ..والله ليعرفوا ان معنا الله ..تحقيقا باذن الله لا تعليقا ..

صيد الخاطر يقول...

السلام عليكم

والله ارى انكن مخطئات في اكثر من جانب

لا ادري اين دور الاخت المسؤولة

والله الذي لا اله الا هو

لو انا موجود
لكنت خرجتهم من الملة وانا واقف

وكنت عرفت اربي قائد الزفت ده


دول شوية حوش

عاوزين عين جريئة

والعميد بتاعكم ده
والله العظيم بني آدم غريب

مش عاوز اغلط وان كنت متنرفز

لكن عجيب امره

فعلا المرء الذي يرضى لنفسه الهوان

من يهن يسهل الهوان عليه مالجرح بميت ايلام

اعرف عميد بيقول
والله العظيم احمد بيه الطيب
بيهزئهم احلى تهزيئ
وهم عمداء وفيهم من هو اكبر منه سنا وعلما

ماذا تنتظرين من استذ هذا هو حاله

وبعدين صحيح ايه حكاية القانون الجديد ده

اتاكدي الله يكرمك

اصرار أمل يقول...

امام الجيل :
هو بذاته قالها لنا - قائد الحرس : دي مابقتش كلية دي بقت قسم شرطة !
المشكلة في الكليات الشرعية ان الأمن بيدخل للأساتذة من باب : مش عاجبهم الكلام اللي بتقولوه فبيعدلوا عليكم !
وكثير من الأساتذة - الا من رحم ربي - ينساقو لهذا الأمر ...
لكن : الفرج قريب ...




*** آية :
ان شاء الله كل حلكة ليل ماهي الا اشراقة فجر ؛
بالأمس لم تكن ولا دكتورة تصلي في المسجد ؛ الآن واحدة ؛
من يدري : ربما مع الأيام الصف الأول بأكمله ؛ يكون من الدكاترة ... آمل في ذلك قريبا ...
دمت بود ياغالية ...

اصرار أمل يقول...

أستاذي الكريم : عصفور المدينة :
أقر الله عينك بالجنة ؛
أعجبتني جدا هذه الكلمة : هم أظلمون على وزن أخسرون ..
بوركتم ؛ وحياكم الله ...



**** ابراهيم المصري :
ازاي بقى لا فارس ولا خيل ؟
قريبا تلد الخيول خيولا أقوى ؛ ويخرج من رحم الأمهات رجالا ...
حياكم الله ....

اصرار أمل يقول...

أبو اعصار :
يمكن لقاها تهمة كبيرة على بنت صغيرة ! الله أعلم !!!
ربنا يتولانا برحمته ...
حياكم الله ...



****د. حماس :
جزاكم الله خيرا وأجاب دعائكم ...
بوركتم ؛ وحياكم الله ...

اصرار أمل يقول...

شهيدة : اسكتي بجد كان قلبي محروووق أووي من الكلام اللي بيقوله ؛ وقال كلام تاني مش كتبته هنا -بس يوقف القلب فعلا - ؛
بس ( ويمكرون ويمكر الله والله خير الماكرين )



**** بلال :
هما بعتوهم كذا يوم ؛ وبعدين البناتيت ياحرام مش متعودين على المسجد فزهقوا .... ربنا يزهقهم أكتر ...

اصرار أمل يقول...

أم البنين :
الله المستعان ! الأمل باذن الله كبير ؛ قريب ...
جزاكم الله خيراااا



*** لؤلؤتي :
شوفي : هتعدي - باذن الله - ؛ يمكن نتعب شوية ؛ بس لازم نصبر أكتر ؛ ونستعد للقادم بذهن متفتح .ومستعد لاستقبال المزيد ...منورة ياقمر ...



**** محمد :
أساسا العميد بتاعنا - الله يهديه - مش ده موقفه الأول ؛ الصراحة هو مالوش أي موقف أساسا ؛ هو دائما تابع ! الله المستعان ...
بالنسبة للقانون الجديد : ده اللي وصلنا للآن ؛ أي جديد هنبلغه لكم ...

SHAHEENSHY...فوضى منظمة يقول...

ومن أظام ممن منع مساجد الله ان يذكر فيها اسمه وسعى في خرابها

حسبي ربي وهو نعم الوكيل

اشوالحياة يقول...

حسبى الله ونعم الوكيل فالقلب يضنى لمايسمع تلك الاحداث فوااسفاه ع ان هؤلاء ينتسبو للاسلام 000بس انا لوكنت مكان تلك البنوتة اواحد الواقفين لأوصلت الموضوع الى راى عام 00000ممكن حضرتك تقوليلى انتى ف كلية ايه؟

محمد أبو الفتوح يقول...

ربنا معاكوا

بس خلاص ... يقول...

السلام عليكم ورحمة اله وبركاته
لااجد كلمات تصف هؤلاء سوى انهم نسوا الله فأنساهم انفسهم ... وما اخسرهم من شغلتهم دنياهم وانحازوا الى الباطل
حسبنا الله ونعم الوكيل

وضّاح يقول...

ياالله

التاريخ يعيد نفسه, حدث نفس الأمر في مسجدنا, ولكن كان المسجد .. مسجد قريتنا, وكنت أنا من المصلين, وكان المتهم هذه المرة هو أبي, وانتهى الأمر حينها باعتقاله, وإمام (الأمن) أم المصلين حينها عنوة

الأمر يحتاج منا أكثر مما نقوم به

رابطة هويتي اسلامية يقول...

السلام عليكم ورحمة الله وبركاته

بارك الله فيك وجزاك الله خير الجزاء

نتمني منك دوام التواصل لتري ثمرة تعبك ومجهودك

تم بلافعل قيدك في قائمة الاعضاء المشاركين

نتمني منك وضع الشعار واللينك علي مدونتك للتفاعل معنا وللمشاركة معنا في نشر الفكرة

هويتي

أملي رضاك يقول...

حسبنا الله ونعم الوكيل في من باعوا دينهم من أجل دنيا أخرين غيرهم
والله لا أجد ما أقول إلا كلمة سلطان العلماء العز بن عبد السلام
"اللهم أبرم لهذه الأمة أمر رشد يعز فيه أهل طاعتك ويذل فيه أهل معصيتك"
اللهم آمين
*************************************
قبل أن أختم أغبطك أختي على أنك في قسم أصول الفقه كان نفسي أحضر في الفقه أو في الأصول ولكن الدكاترة ومدير الدراسات العليا سامحهم الله أقنعوني بدخول قسم القانون العام والحمد لله على كل حال
أسأل الله لك التوفيق في هذا القسم فهو أصعب أقسام الكلية بالفعل
*************************************
تقبلي أختي مروري الأول بمدونتك وإن شاء الله لن يكون الأخير
لك كل تحية وتقدير

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
من يرغب في وضع البنر يرسل لي ميله كي ارسل له الكود

Beram ElMasry يقول...

هذا الرد ارسلته للمغالط المزعوم باسم امل فتحى عزت
اخى او اختى امل فتحى
ماهى العقيدة ، فعقيدتك غير واضحة وفى المجمل انت بلا هوية ، واين الرد اللذى ادعيته على مهاترات هذا القمص الموتور وتطاوله على رسول الله صلى الله عليه وسلم ، واين دفاعك المزعوم عن كتاب الله لا كتاب مرقص او متى او يوحنا ولماذا تنشر هذة الوقاحات هنا ولم تنشرها عنده ارجو الرد واضح ومحددلا لف ولا دوران باستعراض مغالطات ساذجة كرؤيتك للجفان والقدور، والرجاء ارشادى للمكان اللذى ينشر فيه زكريا بطرس هذه المغالطات ، للردعلية من واقع مؤلفات متى اويوحنا او حتى برنابا ، ام انت مجرد بوق مروج لهذا المريض المغالط

شموخ جوري.. يقول...

ممممممممممممممممممم
يعني هو أنا مش عارفه أتأقلم في البد دي من قليل
الله المستعــــــــــــــــــــــــــــان
على الظالمين والناس اللي مبتفهمش دييي
ياربي أنا مليت زفت البني آدميين دول ومعقدين نفسيا ورجعيين فكريا
وغير مؤهلين لمواجهة الحياة
وعاوزين اللي يعفصهم في بعضيهم كدى
سوري بس بجد أنا مخنوووووووووووووقه منهم يا أبله أمل
ربنا يهديهم
آآآآآآآآآآآآآآآآآآآآآمين

اصرار أمل يقول...

م . شاهين :
نعم ... ومن أظلم ؟!
حسبنا الله ونعم الوكيل
لا تنسونا من دعائكم ...



اشو الحياة :
بعض الحسابات تفرض علينا أن نصمت ؛ لكن : لا أدري الى متى ؟
شكرا لزيارتك ...



محمد أبو الفتوح :
آمين
جزاكم الله خيرااا

شوكت يقول...

انا مش عارف ليه بيحاربوا الأسلام المعتدل .. و بعد كده بيزعلوا من الأسلام المتطرف و العنف..ياريت يفكروا قبل ما يحاسب رد الفعل يعرف ان الفعل بتاعه هو اللي غلط و اي نتيجة سلبية على تصلرفات الأمن هو اللي يتحمل مسئوليتها

كمان حت الأخوات بقى الأمن بيشد معاهم

ايه القرف ده
http://shawkat85.blogspot.com/

اصرار أمل يقول...

بس خلاص : وعليكم السلام ورحمة الله وبركاته
الأمل فيكم بقى ان شاء الله !
نورتي المدونة ياغالية ...



وضاح :
نعم ! أساليبهم هي نفسها ؛ قراراتهم هي نفسها ؛ وان شاء الله عقابهم جميعا واحد ..
الله المستعان ...
جزاكم الله خيرااا




رابطة هويتي اسلامية :
جزاكم الله خيرا على الفكرة ؛ وعلى الاشتراك ولا حرمكم الله الأجر ...

اصرار أمل يقول...

أملي رضاك :
اللهم آمــــــــــــــــين ...
جزاكم الله خيراااا
قسم القانون مناسب جدا للرجال ولهم امكانية أكبر في الابداع فيه ؛ أعانكم الله ...



م. الحسيني لزومي :
ان شاء الله ..


براهيم المصري :
جاري قراءة الرد ...
بارك الله فيكم .

اصرار أمل يقول...

غاليتي شيماء :
ربنا يعينك ياحبيبة وتفعصيهم كلهم زي ما انت عايزة ..
ماتيأسيش كده ؛ محتاجينك قوية جدااااا
نورتي المدونة ياقمر ...




شوكت :
أيوه ! حتى البنات ! الله المستعان ...
لو يعرفوا كده ؟ بس المشكلة انهم مبهورين بالكراسي ربنا يعينهم على نفسهم ...
حياكم الله ...