الأربعاء، 16 مايو 2007

نكت قلوبنا ... كيف ولم نصبر عليها ؟

جاءنى اليوم مع استيقاظى للفجر خاطر ؛
لو أننا كلما أذنبنا نكتت فى وجوهنا نكتة سوداء ؟
كيف سيصبح حالنا ؟!
كيف سننظر الى أنفسنا فى المرآة ؟!
كيف سنقابل كل من نراه ؟ وبأى وجه ؟
فمـــــــا بالنا نصبر على قلوبنا وهى تمتلىء بالنكات السوداء ؟!!!!!!!!!!

هناك 8 تعليقات:

حارة سد يقول...

جزاكي الله خيرا حقا لو أننا نرى قلوبنا لمتنا اشفاقا على حالنا ...اللهم اجعلنا ممن تبيض وجوههم وقلوبهم في الدنياو الآخره[

مشروع انسان يقول...

لا حول ولا قوة الا بالله ما نعيش نحن الا بستر الله علينا ولولا ستر الله لما طاق احدنا اخيه ولا احتمله سبحان الله كم يصبر علينا
استغفر الله
استغفر الله

الحلم العربي يقول...

أي و الله فما بالنا نصبر على قلوبنا؟؟!!
لا أدري ممن سمعت هذه العبارة من قبل كان قد قال لى انه من رحمة الله بنا أن المعاصي ليس لها رائحة فلو أن الانسان كلما أذنب كانت للذنب رائحة لما أستطعنا العيش في هذه الدنيا...........
الحمد لله الرحيم الستار
اللهم استرنا فوق الأرض و تحت الأرض و يوم العرض عليك
جزاك الله خيرا يا أختى الكريمة على تذكيرنا برحمة الله بنا

حلم الحرية يقول...

كان في اخت مرة كلمتنا عن الموضوع ده وقالتلنا علي واجب عملي

هاتي ورقة بيضا وقصيها علي شكل قلب وكل ما تغلطي بقلم ماركر اسود علمي بنقطة ..نقطة واحدة بس ..
وتعالي بصي علي الورقة في اخر الاسبوع

في اخر الاسبوع مش بعد شهر وللا شهرين وللا سنة وللا عشرة
وللا عمر كامل

ستر ربنا علينا دي نعمة لا تقدر
اللهم اغفر لنا ما اسررنا وما اعلنا
اللهم استرنا فوق الارض وتحت الارض ويوم العرض عليك

Alaa يقول...

بصراحة
انا جربت الموضوع ده من حوالي شهرين
و جبت ورقة بيضا و حطيت علامة بقلم سبورة لما كل مرة اعمل ذنب
مسلسل - فيلم اجنبي - ازعق لاختي مرة او اتنين او تلاتة
اروح الصلاة متأخر
اتلهي في حاجة و منزلش اصلي صلاة في المسجد
تخيلوا يا جماعة
هم يومين
و الورقة كانت سوودة
انا كل ما افتكر الموقف ده
اقوم اصلي و اقول يارب متفضحنيش يوم القيامة
ياااااارب اغفرلي
و اعيط
بجد كمية ذنوب كبيرة جدا
و اوقات مش بناخد بالنا منها
يااااارب رحمتك

غير معرف يقول...

خاطرة جميلة جدا

ودايما بتكون ف بالي والواحد بيحس بيها في البركة في الدعوة.......لما الذنوب بتكتر للاسف البركة بتنزع

بارك الله فيكي وبيض قلبك

همسة قلم يقول...

ياه ياأمل .. بجد كانت هاتبقى مشكلة

ده الواحد بيدعي ربنا اللهم استرنا ولا تفضحنا

قومي انتي تقولي نقطة سودا في الوش ..ياالله

الحمد لله انه من نعمه علينا نعمة الاستغفار والتوبة .. كان زمان الواحد وشه اسوووود :)

خاطرة جميلة ياأمل بجد تسلمي

Aml Ghonaim يقول...

محمد شاكر :
اللهم اجعلنا ممن تبيض قلوبهم ووجوههم دنيا وآخرة ؛
جزاك الله خيراا على المرور.



امام الجيل :
لولا ستر الله علينا مااستحملنا أنفسنا ؛
اللهم استر علينا ؛
بارك الله لك ...



حبيبتى الحلم العربى :
اللهم استرنا فوق الأرض وتحت الأرض ويوم العرض ...
رب لاتؤاخذنا بعدلك ؛ اقبلنا برحمتك ...
ربى يبارك لك فى عمرك ياغالية ...




مروة :
لولا الستر !!!!!!!!!
ربنا يغفر لنا ؛ويبيض قلوبنا ووجوهنا ؛
نورتينى ياحبيبة .



علاء :
فكرة جميلة ؛ بس الواحد يخاف يعقد من نفسه بعد لما يعملها ؛
أعتقد يوم واحد وهنشوف ايه اللى يحصل فيه !!!
ربى يستر علينا ....




مصراوى أوى :
فعلا ؛لما الذنوب بتكتر للاسف البركة بتنزع
أسأل الله أن يمحو ذنوبنا ؛
وأن يبارك لنا ؛ ويبيض قلوبنا ...




الحبيبة أسماء :
أكيد كان هيبقى شكلنا وحش أوى !!!
مش عارفة طب ليه نصبر ؟!!!!
الحمد لله انه من نعمه علينا نعمة الاستغفار والتوبة .. كان زمان الواحد وشه اسوووود :).........فعلا ؛
ربنا يحبك ياحبيبة ...
نورتينى ؛؛؛