الأحد، 10 يونيو 2007

وصل القرار !!!!

السلام عليكم ورحمة الله وبركاته
أولا : القرار جاااء ؛ أنا صحيح أزعجتكم بمشاريعى المؤجلة ؛
بس الحمد لله لعل أهمها على وشك التحقيق ؛؛؛
قرار تكليفى معيدة وصل ولله الحمد والمنة ؛؛؛
بس التنفيذ بقى ( الله المستعاااااااااااااااااااان ) يلا دعوااتكم
يعنى القرار وصل 28من شهر 5 فالتنفيذ بقى لسسه !!!!
ده أولا ؛
ثانيا أعتذر بشدة عن اهمالى للمدونة الأسبوع الفائت ؛ ولا يزال الأمر مستمر ؛؛؛
يعنى فجأة اكتشفت ان امتحانات الدراسات العليا لم يتبق عليها الا أسبوعين ولا زالت المواضيع لم تدرس !!!!!!!!!!!!!!
فأنا الصراحة طلبت نفصل النت الأسبوعين دول ؛ يمكن أستمر فى المذاكرة ولا حاجة ؛ ولو ان الموضوع برضه مش نافع ؛ بس يلا نعمل اللى علينا !!!!!!!!!!
فدعواااااااااااااااتكم بشدة
امتحاناتى ستبدأ يوم 16 السبت القادم يعنى ؛ وهنعزل فى المدينة فى القاهرة ؛ يعنى : أبشروا يا أهل القاهرة ؛ هتنور بطلبة الدراسات العليا !!!!
دعواتكم بشدة ؛؛؛؛
ثالثا : أروى وامام الجيل باعتين تاجات هرد عليها أول ما أخلص باذن الله
رابعا : الموضوع السابق ) عن قرار الحب أتحدث ) لا يزال مطروح للنقاش ؛؛؛
خامسا :
مدونة جديدة لكنها تستحق المتابعة للغاية
فى الواقع أنتظر منها الكثير ؛ وأتنبأ بالكثير
مدونة أخى الكريم : محمد مجدى
http://saaid00.blogspot.com/
ربنا يجعلها فى ميزان حسناته
سادسا :
الدعاء يرفع البلاء ؛
فبالله عليكم ؛ لا تنسونا من صالح الدعااااااااااااء

هناك 31 تعليقًا:

عمر عاشق القرآن يقول...

حمد الله على سلامة القرار
عقبال الاستاذية
__________

ليكى عندى فى المدونة رسالة مهمة جدا

غير معرف يقول...

الف مليون مبرووووووووك يا دكتورة

رفعتي راسناااااااا

Rehab Saber يقول...

مبروح :)

AbdElRaHmaN Ayyash يقول...

:D
مررت من هنا
قرأت الكثير
والتعليق فيما بعد
:D أنا أخدت الاجازه .. خلليكي في امتحاناتك بقى :P

محمد عـنـانـى يقول...

القدره على اتخاذ القرار تؤدى با الحياه الى استقرار
محمد العنانى
ربنا يوفقق ويرزقق النجاح

FadFadA يقول...

مبارك على التكليف
و ربنا يوفقك في الامتحانات
في انتظار تدوينات جديدة

ma 3lina يقول...

ألف مبارك وأعانك الله ويسر لكي الامتحانات

آية يقول...

مبروك يا ست العرايس وصول التكليف ..
قريت موضوع الحب قرار ... اتناقشنا فيه قبل كده .. بس لي تعليق تاني ..
خلي بالك من مذاكرتك و بلاش نفكر في مواضيع تانية كده .. و انتي فاهمة قصدي..
ربنا يوفقك و يعينك و يفتح عليكي ..
و بجد بجد .. وحشتيني

جهاد خالد يقول...

مبروووووك يا امولة
رزقكِ الله يا حبيبة مما تتمني وفوق ما تتمني

الحلم العربي يقول...

أخيرا
ألف مبروووووك
ايوة كده ربنا يجعلك قدوة صالحة دايما و يتعلموا منك الطلبة كل الصفات الجميلة اللى فيكي

ربنا معاكي في الامتحانات معلش هي كاس و داير على الكل

ليكي عندي تاج ممكن تاخديه من مدونتى بس لما تفضي طبعا...التاجات تتعوض لكن المذاكرة اهم أكيد

وفقك الله يا غاليتى

صيد الخاطر يقول...

مرووووووووووووك أختي الكريمة
وعقبال قرار الاستاذية ان شاء الله
بس بالله عليك متنسنيش من دعواتك الويمن دول عشان النتيجة
وعقبالي أنا كمان

قسما سأنتصر يقول...

يالف بركة

غير معرف يقول...

******* مبروك *******

ربنا يوفقك ويكرمك
تسافري وترجعي بالف سلامه

mlame7.blogspot.com

Alaa يقول...

ألف مبروووك
و عقبال الماجستير و الكتوراه ان شاء الله
و عقبال ما ييجي قراراي أنا كمان
:)

مشروع انسان يقول...

الف مبرووووووووووك
الله اكبر ولله الحمد
ربنا يوفقك ويسهلك طريقك

ياسر سليم يقول...

السلام عليكم

أول زيارة للمدونة هتبقى مباركة ..

ألف مبروك على التعيين ..
وربنا يوفق فى الإمتحانات ان شاء الله ..

غير معرف يقول...

هل سمعت عن خيرت الشاطر من قبل
هل حاولت متابعه قضيته
هل تهتم اصلا بشؤن وطنك
كل ما اطلبه منك فقط هو محاولة معرفته ومتابعة قضته والاطلاع عليها فإن اقتنعت انه مظلوم حاول نصرته ولو بمحاوله تعريف الناس بقضيته
تابع مدونتنا من اجل الدفاع عنه وعن اخوانه
زورو مدونتنا لمعرفة من هو خيرت الشاطر القائد البطل المخلص قبل كل ذلك الانسان
زورو مدونتنا واتركو تعليقاتكم ورائكم ومقترحاتكم وتساؤلااتكم وافكاركم لدعم قضيتنا
www.khirat–elshater.blogspot.com

غير معرف يقول...

ابو معاذ
ربنا معاكى ويوفقك ويرفع قدرك امييييييييين

حلم الحرية يقول...

مبرووووووووووووووووك يا امولة

ايوة كده ارفعي راسنا

بما اني مكنتش بادخل ماسنجر كتير عشان الامتحانات فمش عارفة اكلمك واباركلك
بس اكيد اكيد اليومين الجايين اكلمك واباركلك واعملك فرح كمااااااااان

مبروك مرة تانية

AbdElRaHmaN Ayyash يقول...

ما شاء الله
:Dألفمبروووووووك
ربنا يوفقك ياارب
و ان ششاء الله دكتورة

Sally يقول...

مباااااااااااااااارك
ربنا يوفاك
ويتمملك علي خير

جهاد خالد يقول...

إذا كنتِ ممن يرون للفتاة المسملة
دورا هاما في الحياة
إذا كنتِ ممن يحلمون بفتاة تصلح لتربية الاجيال
شاركينا آراءكِ ومقترحاتك
في مدونة
بـنـاتـيـت
www.banateet.blogspot.com

لكِ من القلب أعذب التحايا

sharkawoo يقول...

مبروك يا دكتورة ... وعبال الأستاذية كدا إن شاء الله :)

ربنا يعينكم إن شاء الله في الأمتحانات ويكتبلكم الخير إن شاء الله ...

فاروتا المصرى يقول...

الف مبروك يا دكتورة
وربنا يكتب الخير دايما

فاروتا المصرى -- الحريه لعبد الجواد

Alaa يقول...

د.أمل يارب تكوني اتوفقتي في امتحانك اللي فات

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

قضية عم أحمد Ahmed Case يقول...

ربنا يوفقك يا رب وهو ده الكلام بسم الله ما شاء الله ربما يوفقك دائماً.

وخليكي قدورة لكل الناس المحترمة .

بجد ربنا يشرف بيكي الاسلام

mo'men mohamed يقول...

الف الف مبروك
عقبالنا يا رب
ربنا يوفقك
السلام عليكم

محمد السيد..مش حاسكت يقول...

ربنا يوفقك ويكرمك وينفع بيكي ...

في انتظار نتيجة القرار يا أفندم ... وإن شاء الله دكتورة قد الدنيا ..

بس إوعي .... مش قد اللي بنشوفهم في التليفزيون دول ... ولا قد اللي عقدونا في كلياتنا وكرهونا في العلام .....


تحياتي ودعواتي يا افندم

غير معرف يقول...

بقالك كتير اوي يا دكتورة
ترجعي بالسلامة ان شاء الله اقوى من الاول
ربنا يوفقك و يتمم لك بخير كل حاجه
سلاام
عياش

Aml Ghonaim يقول...

اخوانى الأفاضل ....
بارككم الله ؛؛؛ وجزاكم خيرااا ...
وجعل لى فى دعواتكم نصيب ....
عدت بحمدالله ؛؛؛
ولازلت فى انتظار النتيجة ...
لكن ؛ جزاكم الله خيرااا كثيرااا على المتابعة والمرور ....

نورا يقول...

***** مبروك *******

ربنا يوفقك ويكرمك
تسافري وترجعي بالف سلامه